Ауа райы
Астана -1 °С
Алматы -3 °С
валюта бағамы
USD 421.58
EUR 496.83
RUB 5.53
CNY 62.20

Жаңаөзенде қызметтік ит 45 келі есірткі тапты

2020 жылдың 25 қыркүйек 2020 12:53

АҚТАУ. ҚазАқпарат – Жаңаөзен іргесіндегі Теңге ауылында жедел-іздестіру шаралары кезінде қызметтік ит 45 келі есірткі тапты, деп хабарлайды ҚазАқпарат тілшісі Ұлттық Ұланның «Батыс» өңірлік қолбасшылығының баспасөз қызметіне сілтеме жасап.

Есірткі тасымалдаушының жолын кескен иттің аты - Детектив.

«Сөмкеге салынған қарасораның бірінші бөлігін, яғни 10 келісін күдіктінің үйінен қызметтік-іздестіру иттері тапты. Ал қалған бөлігі, 35 келі сарайдан тәркіленді. Сондай-ақ, үйдің бақшасынан өсімдіктің 180 сабағы табылды», -деп хабарлады ведомствоның баспасөз қызметі .

Детектив бұған дейін маусым айының соңында есірткі сатқан күдіктіні ұстауға көмектесті. Ол 28 жастағы жігіттің сөмкесінде жатқан жарты келі марихуананы тапты. Иісшіл ит Ұлттық гвардияда бес жылдан бері қызмет етеді. Осы уақыт ішінде кинологиялық жарыстарға бірнеше рет қатысып, жүлделі орындарға ие болды«,-делінген баспасөз хабарламасында.





Жоғары қарай