Ауа райы
Астана 24 °С
Алматы 32 °С
валюта бағамы
USD 412.55
EUR 468.66
RUB 5.79
CNY 58.80

Жаңа Орлеанда кибершабуылға байланысты төтенше жағдай жарияланды

2019 жылдың 14 желтоқсан 2019 14:16

ЖАҢА ОРЛЕАН. ҚазАқпарат – Жаңа Орлеан билігі қала ресурстарына жасалған кибершабуылға байланысты төтенше жағдай режимін жариялады, деп хабарлайды ҚазАқпарат.

«Шаһардағы техникалық қызметтердің мәліметінше, кибершабуыл жергілікті уақытпен сағат 11:00-де басталған. Қалалық ақпараттық технологиялар департаменті серверлер мен компьютерлерді өшіре бастады», - деп жазды қала мэрі Латойа Кантрелл Twitter парақшасына.

Кантрелл, сондай-ақ, кибершабуылға қарамастан «911» жедел қызметі қоңырауларды қалыпты жұмыс режимінде қабылдап жатқанын жеткізді.

Оның сөзінше, жағдайды Лос Анжелес полициясы, Ұлттық гвардия, Жаңа Орлеанның федералды тергеу бюросы мен Құпия қызмет бөлімі тергеп жатыр.

Айта кетейік, Америка қалаларында төтенше жағдай режимі көбінде табиғи апаттар кезінде енгізіледі.

Жоғары қарай