Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Жаңа қаулы: БҚО-да білім беру мекемесіне келушілер «Ashyq» қосымшасына сәйкес кіре алады

2021 жылдың 27 тамыз 2021 21:44

ОРАЛ. ҚазАқпарат – БҚО бас мемлекеттік санитар дәрігерінің 27 тамыздағы жаңа қаулысы шықты, деп хабарлайды ҚазАқпарат тілшісі.

БҚО санитарлық-эпидемиологиялық бақылау департаменті мәлім еткеніндей, жаңа қаулыға сәйкес 2021-2022 оқу жылында білім беру ұйымдарында санитарлық- профилактикалық іс-шаралар жүргізу тәртібі бекітілді.

Жаңа оқу жылында барлық меншік нысанындағы және ведомстволық бағыныстағы білім беру ұйымдарында штаттық сипатта оқуға рұқсат берілді.

Сол себепті педагогтар мен қызметкерлер түгелдей вакцина алуы тиіс.

Білім беру ұйымдарына келушілер «Ashyq» қосымшасы арқылы тіркеледі.

Білім беру мекемелерінде маска режимі сақталып, рециркуляторлар, санитайзерлер, тері антисептиктері, дезинфекциялау және жуу құралдарымен қамтамасыз етіледі.

Басқа да санитарлық талаптар қатаң сақталады.

Қаулы бүгіннен бастап күшіне енді.

Еске сала кетейік, бұдан бұрын БҚО-да 200 мыңға жуық адамның екпе салдырғанын, соңғы аптада 20 адамның коронавирустан қайтыс болғанын жазған болатынбыз.

Сондай-ақ БҚО-да коронавирус жұқтырған 1700-ден астам науқас амбулаторлық ем алып жатыр.



Жоғары қарай