Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Жамбыл облысында ауыл әкімі сайлауында 116 үміткер бақ сынап жатыр

2021 жылдың 25 шілде 2021 16:11

ТАРАЗ. ҚазАқпарат – Жамбыл облысында сайлауға жалпы 116 үміткер қатысуда. Сайлау барысында 194 байқаушы сайлаудың әділ өтуіне атсалысып отыр, деп хабарлайды ҚазАқпарат тілшісі.

Ал облыстағы барлық сайлау учаскесіне 104 302 сайлаушы келеді деп күтілуде. Ол, әрине, ауыл тұрғындарының белсенділігіне байланысты.

Жамбыл облысында саяси науқан 38 ауылдық округте өтуде. Үміткерлердің 67 пайызы - саяси партиялардан болса, қалғаны - өзін-өзі ұсынған азаматтар. 20 пайызы – әйелдер.

«Сағат жетіде 10 сайлау учаскесі ашылып, жұмысын бастады. Сайлау учаскелері барлық санитарлық талаптарды сақтай отырып 20:00-ге дейін жұмыс істейтін болады»,- деді облыстық аумақтық сайлау комиссиясының төрағасы Серғали Айдапкелов.

Сайлау комиссиялары ұсынған деректерге сәйкес 2021 жылғы 25 шілдедегі сағат 14.00-дегі жағдай бойынша сайлау бюллетеньдерін тізімге енгізілген сайлаушылардың жалпы санының 76 054 (72,9 %) алды.


Жоғары қарай