Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Жалпыұлттық санақ деректері қай жерде сақталатыны белгілі болды

2021 жылдың 15 қыркүйек 2021 17:44

НҰР-СҰЛТАН. ҚазАқпарат – Жалпыұлттық санақ арқылы алынған азаматтардың мәліметі Ұлттық қауіпсіздік комитетінде сақтала ма? Ұлттық статистика бюросының басшысы Нұрболат Айдапкеловке Орталық коммуникациялар қызметінде өткен брифингіде осындай сұрақ қойылды, деп хабарлайды ҚазАқпарат тілшісі.

«Жоқ, санақ деректері біздің серверлерде сақаталады. Бірақ деректердің қауіпсіздігі мен тасымалдануы арнайы органдар қойып отырған талаптардың бәріне сай. Бұл жерде қауіпсіздік тұрғысынан ғана органдар талап қоятынын айтып отырмын», - деді бюро басшысы.

Ресми дерек бойынша, екі аптада Халық санағының онлайн кезеңіне қатысқандардың саны 3 млн адамнан асқан.

«Халық санағы басталған күннен бастап екі апта өтті. Өздеріңіз білетіндей, қазіргі уақытта ол тек онлайн режимде өтіп жатыр. Санақ сұрақтарына жауап беруді бірнеше тәсілі бар. Бұл - арнайы Sanaq.gov.kz сайтын, eGov порталында авторзациялану арқылы, Aitu мобильдік қосымшасын пайдалану мүмкіндігі бар. Бүгінгі сағат 14.00-дегі жағдай бойынша, санақтан 3 млн 24 мың азамат өтті», - деді Нұрболат Айдапкелов.


Жоғары қарай