Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Вакцина салдырған Бердібек Сапарбаевтың жағдайы қалай

2021 жылдың 27 қаңтар 2021 18:50

НҰР-СҰЛТАН. ҚазАқпарат – Коронавирусқа қарсы отандық вакцинаны салдырған Жамбыл облысының әкімі Бердібек Сапарбаевтың жағдайы қалай? Орталық коммуникациялар қызметінің алаңында тілшілердің бұл сұрағына Денсаулық сақтау бірінші вице-министрі Марат Шоранов жауап берді, деп хабарлайды ҚазАқпарат тілшісі.

«Өткен аптада біз Жамбыл облысында болдық. Аймақ басшысы өзін жақсы сезінеді. Күш-қуаты мен қайраты толы екенін, өз міндеттерін орындап жатқанын көрдік», - деді Марат Шоранов.

Ол сондай-ақ әкім өзінің жасына қарамастан неліктен ерікті болып, вакцинаны салдырғанын түсіндірді.

«Біздің неге рұқсат бергенімізге байланысты айтар болсақ, сіздер клиникалық сынақтың демеушісі - осы вакцинаны жасаушының өзі екенін түсінуіңіз керек. Денсаулық сақтау министрлігі бұл кезеңде, яғни еріктілерді таңдау кезінде қарсы көрсетілімдерді анықтамайды: адамдар ерікті вакциналауға және зерттеуге қатыса алады», - деп атап өтті спикер.


Жоғары қарай