Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Үштөбе тұрғыны тағы да зиратты қиратқаны үшін ұсталды

2022 жылдың 17 мамыр 2022 13:00

ТАЛДЫҚОРҒАН. ҚазАқпарат - Алматы облысының Үштөбе қаласында зиратты қиратқан күдікті ұсталды, - деп хабарлайды ҚазАқпарат тілшісі.

Алматы облыстық Полиция департаменті баспасөз қызметінің мәліметінше, 34 жастағы күдіктінің психикалық ауытқуы бар. Ол бұған дейін де молаларды қиратып, ұсталған. Бірақ бұрынғы әдетін қоймай келеді.

«14 мамыр күні моланың бұзылғандығы, вандализм фактісі болғандығы жөнінде хабарлама түсті. Оқиға Қаратал ауданында болған. Жедел-тексеру барысында аталған факті расталды. Күдікті ретінде Үштөбе қаласының 34 жастағы тұрғыны ұсталды. Ол қаңтар айында ғана осындай әрекеті үшін ұсталып, психоневрологиялық диспансерге жатқызылған болатын. Белгілі болғандай, ер адам екі ай сол диспансерде емін алып, үйіне оралғанда қайта молаларды қиратуға кіріскен», - деді Қаратал аудандық полициясының бастығы Рауан Абраимов.

Ведомствоның ақпаратына сәйкес, күдіктіні тағы да диспансерге жатқызған. Дәрігерлердің тексеруінен кейін оған қатысты іс сотқа жіберіледі.











Жоғары қарай