Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

URKER-2021: قازاقپارات «جىلدىڭ ۇزدىك جاڭالىقتار پورتالى» اتاندى

2021 жылдың 24 маусым 2021 17:58

نۇر-سۇلتان. قازاقپارات - قازاقپارات حالىقارالىق اقپارات اگەنتتىگى باسپا، راديو، ينتەرنەت-جۋرناليستيكا سالاسىنداعى «URKER-2021» ۇلتتىق بايگەسىنىڭ جەڭىمپازى اتاندى، دەپ حابارلايدى قازاقپارات ءتىلشىسى.

اگەنتتىك «جىلدىڭ ۇزدىك جاڭالىقتار پورتالى» اتالىمىندا جەڭىسكە جەتتى. ماراپاتتى ق ر پرەزيدەنتى تەلەراديوكەشەنىنىڭ باس ديرەكتورى راۋشان قاجىبايەۆا تابىس ەتتى.

«ەل تاۋەلسىزدىگىنىڭ 30 جىلدىعىندا وسىنداي ماراپات الۋ - تۇتاس «قازاقپارات» اكسيونەرلىك قوعامى ءۇشىن ۇلكەن قۇرمەت. جۋرناليستەرگە، وقىرماندارعا، ءادىل قازى القاسىنا ۇلكەن العىس ايتامىز. كوپ راحمەت سىزدەرگە!»، - دەدى «قازاقپارات» ا ق باسقارما ءتوراعاسى اسقار ۋماروۆ .

«قازاقپارات» حالىقارالىق اقپارات اگەنتتىگى» ا ق - قازاقستاندا ءبىرىنشى بولىپ حالىقارالىق دارەجەگە يە بولعان جەتەكشى مەملەكەتتىك اقپارات اگەنتتىگى. قازاقپارات 100 جىلدان استام ۋاقىت ىشىندە ساياسات، ەكونوميكا، ءبىلىم بەرۋ، دەنساۋلىق ساقتاۋ، سپورت، مادەنيەت جانە قوعامنىڭ باسقا دا ماڭىزدى سالالارى تۋرالى سەنىمدى جانە جەدەل اقپارات تاراتىپ كەلەدى.

قازاقپاراتتىڭ قىزمەتى قازاق، ورىس، اعىلشىن، قىتاي جانە وزبەك تىلدەرىندە جۇرگىزىلەدى، شەتەلدەردە تۇراتىن وتانداستارعا قازاق تىلىندەگى جاڭالىقتار ءۇشىن لاتىن گرافيكاسى مەن اراب توتە جازۋىمەن تارالادى.

بۇگىندە قازاقپارات پايدالانۋشىلارىنىڭ گەوگرافياسى 229 ەلدى قامتيدى. بىلتىر، 2020-جىلى «قازاقپارات» اگەنتتىگى 100 جىلدىق مەرەيتويىن اتاپ ءوتتى.

ايتا كەتەيىك، «URKER-2021» ۇلتتىق بايگەسى بيىل بەسىنشى رەت ۇيىمداستىرىلىپ وتىر. بايقاۋ 11 نوميناتسيا بويىنشا وتكىزىلۋدە، وعان «تاۋەلسىزدىكتىڭ 30 جىلدىعىنا ارنالعان ۇزدىك ماتەريال» نوميناتسياسى قوسىلدى. جۋرناليستەردەن جالپى سانى 340 جۇمىس كەلدى، ال ۇزدىك جۇمىستاردى بەدەلدى جۋرناليستەر، ەلىمىزدىڭ شىعارماشىلىق ينتەلليگەنتسياسىنىڭ وكىلدەرى مەن حالىقارالىق مەدياەكسپەرتتەردەن قۇرالعان قازىلار القاسى انىقتادى. كورەرمەندەر ماراپاتتاۋ ءراسىمىن urker-awards.kz رەسمي سايتىنان تىكەلەي ەفيردە تاماشالاي الادى.

Жоғары қарай