Ауа райы
Астана 21 °С
Алматы 24 °С
валюта бағамы
USD 409.19
EUR 461.24
RUB 5.67
CNY 58.26

Уранның қымбаттауы қаржылық мүмкіндіктерімізді нығайтты - Қазатомөнеркәсіп

2020 жылдың 4 маусым 2020 22:37

НҰР-СҰЛТАН. ҚазАқпарат - « Қазатомөнеркәсіп « ұлттық атомдық компаниясы» АҚ Басқарма төрағасы Ғалымжан Пірматов компанияның қазіргі ахуалын баяндады, деп хабарлайды ҚазАқпарат тілшісі.

«Бүгінде біз жедел шаралармен қатар, саланы дамыту, компания құнын арттыру бойынша ұзақ мерзімді міндеттерді де атқарып жатырмыз. Еліміздің уран запасына деген түбегейлі жаңа қарым-қатынас жөнінде де жұмыс істеудеміз. Сізге баяндағанымдай (Нұрсұлтан Назарбаевқа - ред.), уран запасына сіз «Қазатомөнеркәсіпке» басқаруға сеніп тапсырған актив ретінде қараймыз. Бұл активтерді ұзақ мерзімді барлық стейкхолдерлердің табысын арттыру мақсатында басқаратын боламыз», - деді Ғ. Пірматов Елбасы төрағалығымен өткен «Самұрық-Қазына» ұлттық әл-ауқат қорын басқару жөніндегі кеңес отырысында.

Спикердің айтуынша, Қазақстан - әлемдегі ең ірі уран өндіруші ел және уран бағасы да айтарлықтай өскен.

«Биыл уран бағасы 40 пайызға қымбаттап, компаниямыздың нарықтағы жағдайын жақсартуға және қаржылық мүмкіндіктерін нығайтуға мүмкіндік берді. Қазір штаттық режимде жұмыс істеп жатырмыз, еш қысқарту мен жұмыстан шығаруға жол берілмеді», - деді Ғ. Пірматов.


Жоғары қарай