Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Үндістан мен Орталық Азия елдері арасында тауар айналымы 3 млрд долларға жетті

2022 жылдың 27 қаңтар 2022 17:40

НҰР-СҰЛТАН. ҚазАқпарат – Үндістан мен Орталық Азия елдері арасында тауар айналымы 3 млрд долларға жетті. Бұл туралы ҚР Президенті Қасым-Жомарт Тоқаев айтты, деп хабарлайды ҚазАқпарат тілшісі.

«2020 жылы Орталық Азия мен Үндістан арасындағы тауар айналымы 3 млрд АҚШ долларына жетті. Бұл ретте сауда-саттықтағы Қазақстанның негізгі үлесі 80 пайызды құрады. Дегенмен, қазіргі көрсеткіштер біздің жиынтық экономикалық әлеуетімізге әлі де сәйкес келмей отыр. Меніңше, «Үндістан – Орталық Азия» саммиті сынды мұндай диалог алаңының жұмысы елдеріміздің кезең-кезеңімен дамуы үшін, жаңа сын-тегеуіріндер мен қатерлерге тиімді жауап әзірлеу үшін іс жүзінде пайдасы бар», - деп атап өтті Қасым-Жомарт Тоқаев «Үндістан – Орталық Азия» саммиті барысында.

ҚР Президенті пікір алмасудың осындай бірегей форматы мемлекеттер арасындағы ынтымақтастықты сапалы жаңа деңгейге шығаруға сеп болатындығын баса айтты.

Айта кетейік, Үндістан Премьер-министрі Нарендра Моди бастамасымен тарихта алғаш рет өтіп жатқан саммитке ҚР Президенті Қасым-Жомарт Тоқаевтан бөлек Өзбекстан Президенті Шавкат Мирзиёев, Қырғызстан Президенті Садыр Жаппаров, Түрікменстан Президенті Гурбангулы Бердімұхамедов, Тәжікстан Президенті Эмомали Рахмон қатысуда.



Жоғары қарай