Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Ұлттық қор активтері 1 айда 530 млн долларға ұлғайды

2021 жылдың 12 мамыр 2021 10:44

НҰР-СҰЛТАН. ҚазАқпарат – Ұлттық қор активтері 1 айда 530 млн долларға ұлғайды. Бұл туралы бүгін Үкімет отырысында ҚР Ұлттық банк төрағасы Ерболат Досаев айтты, деп хабарлайды ҚазАқпарат тілшісі.

«Ұлттық қордың активтері биылғы жылғы сәуірдің аяғында бір айда 530 млн АҚШ долларына ұлғайып, 57,6 млрд АҚШ долларын құрады. Осы жылғы сәуірде 333 млрд теңгеге нысаналы және кепілдендірілген трансферттер бөлуді қамтамасыз ету үшін 788 млн АҚШ доллары сатылды», - деді ол.

Оның атап өтуінше, Ұлттық қордың инвестициялық кірісі осы жылғы сәуірде 1,1 млрд АҚШ доллары немесе 2 пайыз болды. Бұл ретте акциялар портфелінің өсуі 734 млн АҚШ долларын, облигациялар портфелінің өсуі 278 млн АҚШ долларын және алтынның өсуі 106 млн АҚШ долларын құрады.

«Жылдың басынан бастап Ұлттық қордың инвестициялық кірісі негізінен осы жылғы сәуірде облигациялар нарығының қалпына келуі және акциялар нарығындағы өсу арқасында 940 млн АҚШ долларын немесе 1,7 пайызды құрады», - деді Ерболат Досаев.


Автор Марлан Жиембай
Басты сөздер: ҚР Ұлттық банкі,
Жоғары қарай