Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Ұлттық банк өкілімін деп, 180 елордалықтың 150 млн теңгесін қолды еткен – полиция

2022 жылдың 21 мамыр 2022 16:44

НҰР-СҰЛТАН. ҚазАқпарат – Нұр-Сұлтан қалалық Полиция департаментінің өкілдері елорда тұрғындарына алаяқтардан сақ болу жөнінде ескерту жасады, деп хабарлайды ҚазАқпарат.

Департаменттің баспасөз қызметінің хабарлауынша, елорда тұрғыны тарапынан «Сарыарқа» ауданының полиция бөліміне сағат 11.50-де белгісіз біреудің өзін экономикалық қылмыс бойынша «Ұлттық банк» қызметкерімін деп таныстырып, 3 млн 455 мың теңгесін қолды еткенін айтып шағымданған.

Күдікті жәбірленушіге оның жинақтарын қауіпсіз сақтау мақсатында Бейбітшілік көшесіндегі «Центр Кредит» банкіне ақша аудару керектігін түсіндірген.

Аталған факті бойынша сотқа дейінгі тергеу басталды. Қазіргі уақытта жедел-іздестіру шаралары жүріп жатыр.

Биыл осындай әрекеттен елорданың 180-нен астам тұрғыны опық жеген. Жалпы материалдық шығын 150 млн теңгеден асады. Барлық фактілер бойынша ҚР ҚК 190-бабы (Алаяқтық) бойынша тергеу жүргізілуде. Көршілес елдердің құқық қорғау органдарымен өзара іс-қимыл жүргізілуде, себебі қылмыс іздері шетелден бастау алады деген болжам бар.

«Нұр-Сұлтан қаласының Полиция департаменті ескертеді! Егер сізге осындай қоңырау түссе, ешқандай жағдайда деректеріңізді бермеңіз, бұл алаяқтар! Әңгімені үзіп, банктің колл-орталығының ресми телефондары бойынша барлық ақпаратты нақтылаңыз.

Банк қызметкерлері ешқашан қоңырау шалмайды және дербес деректерді жинамайды! Есептік жазбаның құпия сөздерін және банк карталарының пин-кодтарын мезгілімен өзгертіп отырыңыз»,-делінген полицияның хабарламасында.


Жоғары қарай