Ауа райы
Астана -9 °С
Алматы -6 °С
валюта бағамы
USD 421.58
EUR 496.83
RUB 5.53
CNY 62.20

«Ұлболсын» фильмі Таллинде өткен кинофестивальде жүлдегер атанды

2020 жылдың 29 қараша 2020 14:43

ТАЛЛИН. ҚазАқпарат - Қазақстандық фильм Эстонияда өткен «Қараңғы түндер» кинофестивалінде жүлдегер атанды, деп хабарлайды ҚазАқпарат.

Бұл жайында фильмнің режиссері Әділхан Ержанов Instagram парақшасында мәлім етті.

«Бірнеше күн бұрын Таллинде өткен «Қараңғы түндер» кинофестивалінде біздің «Ұлболсын» атты фильміміздің әлемдік премьерасы өтті. Ал кеше фестивальдің жабылу салтанатында ол «Үздік азиялық фильм» аталымында жеңімпаз атанды» деп жазады Әділхан Ержанов.

«Ұлболсын» фильмі жайлы ақпарат кинофестивальдің Twitter парақшасында да жарияланды.

Айта кетейік, картинаның басты кейіпкері - қалада тұратын Ұлболсын. Оның сіңлісі Ажар Қаратас ауылындағы мектепті енді ғана бітірді.

Ұлболсын сүйікті сіңлісінің болашағын жоспарлап қойған. Ол Ажарды беделді шетелдік университетке түсіру үшін жеткілікті ақша жинады, бұл қыздың болашақтағы мансабына және еркін және тәуелсіз болуына мүмкіндік береді.

Алайда ол Қаратасқа келгенде қызды жергілікті емші, халық арасында өте беделді кісі Үрген тоқалдыққа алу үшін алып қашып кетеді. Ұлболсын бұған көндігуге болмайтынын түсініп, Қаратастың патриархалды әлемімен күресуге бел буады.



Автор Жанат Қапалбаева
Басты сөздер: Мәдениет, Өнер, Еуропа,
Жоғары қарай