Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Түркия 3 ғарышкерді іріктеп, соның ішінен біреуін ғарышқа ұшырады

2021 жылдың 12 ақпан 2021 22:10

АНКАРА. Анадолы-ҚазАқпарат - Түркияның ұлттық ғарыш бағдарламасы аясында үш үміткер таңдап алынады. Арада екі жыл өткенде соның біреуі ғарышқа ұшқан алғашқы түрік азаматы атанады, деп хабарлайды ҚазАқпарат Анадолы агенттігіне сілтеме жасап.

Түркия Президенті Режеп Тайып Ердоған Ұлттық ғарыш бағдарламасын таныстырды.

Жиын барысында ол Түркияның алғаш рет ғарышты ғылыми зерттеуге өз азаматын аттандырғалы тұрғанын мәлімдеді.

Өнеркәсіп және технологиялар министрлігінің мәліметінше, кандидаттарды іріктеудің негізгі критерийлерін астрономия, медицина және спорт саласындағы сарапшылар анықтайды.

Тиісті құрылымдар соған сай келетін үш үміткерді іріктеп алады, олар екі жыл бойы дайындықтан өтеді.

Сосын оқыту курсын ұйымдастыратын құрылым соның ішінен ең үздігін анықтайды. Сол адам Түркияның атынан ғарышқа ұшады.

Ғарышқа ұшу рәсімі Түркия Республикасының құрылғанына 100 жыл мерейтойына орайластырылады.

Түркиядан баратын астронавт халықаралық ғарыш стансасындағы ғылыми зерттеулерге қатысады. Бұл жерде әңгіме биологиялық зерттеулер мен Түркияның ғарыштағы зерттеулеріне қатысты болып отыр.

Бұл миссияның нақты аясы ЖОО-лармен және ғалымдармен кеңескеннен кейін анықталады.


Перевод Жанат Қапалбаева
Басты сөздер: Ғарыш, Түркия, Әлем, Ғылым,
Жоғары қарай