Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Түркістанда Қажымұқан атындағы халықаралық турнир өтіп жатыр

2021 жылдың 25 қараша 2021 16:22

ТҮРКІСТАН. ҚазАқпарат - Бүгін Түркістанда қазақтың даңқты балуаны Қажымұқан Мұңайтпасұлының 150 жылдық мерейтойына арналған қазақ күресінен дәстүрлі халықаралық турнир басталды, деп хабарлайды ҚазАқпарат тілшісі.

Жарыстың ашылуы барысында батыр баба туралы телефильм көпшілік назарына ұсынылды. Сондай-ақ, барлық спортшыларға даңқты балуан жайлы жазылған кітап берілді. Көпшілік күш атасы Қажымұқанның қолданған заттары қойылған тарихи мұражайды тамашалады.

Салтанатты шарада облыс әкімінің орынбасары Сәкен Қалқаманов қазақ күресінің әлемдік деңгейде өркендеп жатқанын айтып өтті.

Қажымұқан Мұңайтпасұлының немересі халықаралық дәрежедегі спорт шебері, Қазақстанға еңбек сіңірген жаттықтырушы Шаттық Қажымұқан бұл турнирге арнайы келіпті.

Батыр бабаның ұрпағы іс шараны ұйымдастырушыларға ризашылығын білдіріп, алғысын айтты.

Кіл мықты балуандар бәсекесіне биыл Ресей, Өзбекстан мен Қырғызстаннан келген 200-ден астам апайтөс саңлақтар қатысып, бақтарын сынауда.

Боз кілемде таланттарымен танылған мықты саңлақтардың арасында жеңімпаз болған бас жүлде иегеріне темір тұлпар берілмек.


Жоғары қарай