Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Түркістан саммитінде мақұлданған бастамалар Ыстанбұлда рәсімделеді

2021 жылдың 16 сәуір 2021 17:00

НҰР-СҰЛТАН. ҚазАқпарат – Елбасының Баку саммитінде көтерген ұсыныстары Түркістанда мақұлданғаны белгілі. Енді сол бастамалар Ыстанбұл саммитінде рәсімделеді, деп хабарлайды ҚазАқпарат тілшісі.

Бұл туралы Сыртқы істер министрінің бірінші орынбасары Шахрат Нұрышев айтты.

«Бейресми саммиттің қорытындысы бойынша қабылданған Түркістан декларациясында Нұрсұлтан Назарбаевтың 2019 жылғы 15 қазанда Бакуде өткен Түркі кеңесінің жетінші саммитінде Түркі кеңесінің атауын өзгерту және «Түркі әлемінің келешегі-2040» құжатын дайындау туралы бастамалары қолдау тапты. Бакуда ұсынылған бұл бастамалар Түркістанда мақұлданып, кезекті Ыстанбұлдағы саммитте рәсімделетін болады. Мұның барлығы Түркі мемлекеттері ұйымының халықаралық сахнадағы беделін көтеріп, түркі интеграциясын ұзақмерзімді жоспарлау тұрғысынан жаңа деңгейге шығаратыны сөзсіз», - деді вице-министр.


Жоғары қарай