Ауа райы
Астана 15 °С
Алматы 22 °С
валюта бағамы
USD 412.55
EUR 468.66
RUB 5.79
CNY 58.80

Түркістан облысында пневмониядан қайтыс болған 5 дәрігердің отбасына жәрдемақы төленеді

2020 жылдың 9 шілде 2020 20:41

ТҮРКІСТАН. ҚазАқпарат – Түркістан облысында COVID-19 инфекциясын 132 медицина қызметкері жұқтырған. Бұл туралы облыс әкімі Өмірзақ Шөкеев Өңірлік коммуникациялар қызметінің алаңында өткен брифингіде мәлімдеді, деп хабарлайды ҚазАқпарат тілшісі.

Облыс әкімінің айтуынша, 24 медицина қызметкері қауіпті індеттен емделіп шыққан. Ал, пневмония дертінен өкінішке қарай 5 дәрігер көз жұмған. Жұмыс барысында қайтыс болған ақ халаттылардың отбасыларына тиісті жәрдемақы беріледі.

«Қиын-қыстау кезеңде өзінің жанын аямай, науқастарға дер кезінде көмек көрсеткен дәрігерлер еңбегі ерен. Мен оларға алғыс айтамын. Өкінішке қарай, індеттен көз жұмған дәрігерлер де бар. Олардың отбасыларына тиісті көмек көрсету – біздің парызымыз», - деді облыс әкімі.




Айта кетейік, коронавирус індетімен күрес шеңберінде эпидемияға қарсы іс-шараларға тартылған барлық қызметкерлерге материалдық үстемақы қарастырылған. Наурыз-маусым айларында 17 368 қызметкерге үш санат бойынша барлығы 2 867,1 млн теңге берілген.





Жоғары қарай