Ауа райы
Астана -18 °С
Алматы 1 °С
валюта бағамы
USD 421.58
EUR 496.83
RUB 5.53
CNY 62.20

Түркістан облысында кез келген шаруа жеңілдетілген несие ала алады

2021 жылдың 5 наурыз 2021 22:53

ТҮРКІСТАН. ҚазАқпарат - Көктемгі егін егу жұмыстарына бөлінетін пайыздық мөлшерлемесі төмен несиеге кез келген шаруа қол жеткізе алады, деп хабарлайды ҚазАқпарат.

Жеңілдетілген несиені «Оңтүстік» АИО және «Ырыс» микроқаржы ұйымынан алуға болады.

Түркістан облысындағы диқандардың қаржыны дер кезінде алып, тиімді пайдалануларын қамтамасыз ету мақсатында Қазығұрт, Төлеби, Сарыағаш, Келес, Түлкібас, Сайрам аудандарындағы кәсіпкерлермен кездесу өтті.

Тиісті мамандар жергілікті халыққа 5 пайыздық несиені қалай алуға болатындығы жөнінде түсіндіру жұмыстарын жүргізуде.

«Көктемгі дала жұмысына несие беру, қаржыландыру талапқа сай іске асырылады. Тапсырылған құжаттар ешқандай комиссиялық шығындарсыз, мүмкіндігінше ең қысқа мерзімде қаралады. Несие алушы негізгі қарызды және несие бойынша пайыздарды мерзім соңында өтейді»,- деді «Оңтүстік» аймақтық инвестиция орталығының басқарма төрағасы Мұхтар Әлімханұлы.

Егін егу, жиын-терім жұмыстарына бөлінетін қаражат - жеке тұлғалар, шаруа қожалықтары, жеке кәсіпкерлер және заңды тұлғаларға басым бағытқа ие барлық дақыл түрлеріне беріледі.

Несиені барлығы бірдей ала алады.

Бастысы, кредит тарихында олқылық болмай, бизнес-жоспары болуы шарт.














Жоғары қарай