Ауа райы
Астана 19 °С
Алматы 17 °С
валюта бағамы
USD 412.55
EUR 468.66
RUB 5.79
CNY 58.80

Түркістан облысында ірі супермаркеттер мен өндірушілерге 0,01% несие беріледі

2020 жылдың 17 наурыз 2020 23:11

ТҮРКІСТАН. ҚазАқпарат - Түркістан облысында әлеуметтік маңызы бар азық-түлік тауарларының тиісті қорын қалыптастырып, бағаларын реттеу мақсатында бірнеше бағытта жұмыстар атқарылады. Ірі супермаркеттер мен өндірушілерге жылдық 0,01% мөлшерлемемен бір жылға несие беріледі. Бұл туралы Өңірлік коммуникациялар қызметін өткен брифингте облыстық Кәсіпкерлер әлеуметтік палатасының директоры Бағлан Жұмашбеков мәлімдеді.

Оның айтуынша, қорға қажетті тауарларды сатып алу бойынша 650 млн теңгеге жуық қаржы қарастырылған.




«Айналым қаражаты» жобасын жүзеге асыру аясында бірінші кезекте Түркістан, Кентау және Арыс қалалары әкімдіктерінің ұсынған 10 кәсіпкерлік субъектісіне несие беру мәселесі пысықталуда. Несие ірі супермаркеттер мен өндірушілерге жылдық 0,01 пайыздық мөлшерлемемен бір жылға беріледі. Несие «Түркістан» ӘКК» АҚ депозитіне салынған қаражат есебінен беріледі. Несие беру кезінде бағаны тұрақтандыруға Түркістан облысының әкімдігі бекіткен шекті мәндермен белгіленген бағадан 10% төмен ұстап тұру арқылы қол жеткізіледі», – деді Бағлан Жұмашбеков.




Бұдан бөлек Тұрақтандыру қоры мемлекетік сатып алу жұмыстарын атқаруда. Сатып алу бойынша 1 500 тонна (күріш, бірінші сұрыпты ұн, қарақұмық, күнбағыс майы, рожки, картоп, асханалық сәбіз) шамасында азық-түлік тауарларын мемлекеттік сатып алуға тиісті конкурс жарияланған.




«Түркістан» ӘКК» АҚ Түркістан қаласының әкімдігімен, Түркістан облысының ауылшаруашылық басқармасымен, сондай-ақ кәсіпкерлік субъектімен Түркістан қаласында әлеуметтік маңызы бар тауарлар бағаларын тұрақтандыру бойынша бірлескен қызмет туралы келісім жасалған. Осы келісім аясында тауарлардың бағасының көтерілуін болдырмауға және азық-түлік тауарларынын үздіксіз қамтамасыз етуге бағытталған бірлескен шаралар кешені жоспарланған.





Басты сөздер: Түркістан облысы, Аймақ,
Жоғары қарай