Ауа райы
Астана -28 °С
Алматы -4 °С
валюта бағамы
USD 421.58
EUR 496.83
RUB 5.53
CNY 62.20

Түркістан облысында бастауыш сынып оқушыларына мектепте оқуға рұқсат етілді

2020 жылдың 29 қараша 2020 00:46

ТҮРКІСТАН. ҚазАқпарат – Түркістан облысында жалпы білім беретін мектептердің 1-5 сынып оқушыларына кезекші сыныптарда оқуға рұқсат етілді. Тиісті қаулыға өңірдің Бас мемлекеттік санитариялық дәрігері Нұрбек Нышанов қол қойды, деп хабарлайды ҚазАқпарат тілшісі.

Ата-аналардың өтінішімен дәстүрлі форматта оқитын сыныптағы оқушылар саны 15-тен аспауы талап етіледі. Сондай-ақ, әр партаға бір баладан шахмат режимінде отырғызылып, сабақ уақыты 40 минуттан аспауы тиіс. Облыстық санитариялық-эпидемиологиялық бақылау департаментінің талабына сәйкес, дәстүрлі форматта сабақ оқытылатын кезекші сыныптарда және шағын жинақталған мектептерде санитариялық-гигиеналық талаптары қатаң сақталуы қажет. Оқу кабинеттерінде антисептігімен санитайзерлер орнатылуы қатаң қадағаланған. Оқушылар мен мұғалімдердің дене қызуы күн сайын өлшеніп, арнайы журналға тіркеледі. Бетперде әр 2 сағат сайын ауыстырып, қолданылған лас маскаларды арнайы белгі қойылған қораптарға тастау талап етіледі.

Жоғары қарай