Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Түркістан облысында «Ауыл – ел бесігі» жобасы қалай жүзеге асырылып жатыр

2021 жылдың 30 қазан 2021 11:08

ТҮРКІСТАН. ҚазАқпарат - Қаржы министрі Ерұлан Жамаубаев «Ауыл – ел бесігі» жобасының жүзеге асырылу барысымен танысты, деп хабарлайды ҚазАқпарат.

Қаржы министрі Ерұлан Жамаубаев Түркістан облысындағы «Ауыл - ел бесігі» бағдарламасы аясында жүзеге асырылып жатқан әлеуметтік нысандарды аралады.

Қаржы министрлігінің басшысы Ордабасы, Бәйдібек, Қазығұрт аудандарының білім және денсаулық сақтау, мәдениет және спорт нысандарын барып көрді.

Сондай-ақ, Жамаубаев Шымкентте аудан, қала әкімдері мен басқа да мемлекеттік органдардың қатысуымен қорытынды кеңес өткізді.




Қаржы министрі облыстық бюджетке «Ауыл - ел бесігі» жобасын жүзеге асыруға республикалық бюджеттен 14,9 млрд теңге бөлінгенін атап өтті.

Бұдан бөлек, республикалық бюджеттен облысқа жан-жақты көмек көрсетілуде.

Биылдың өзінде субвенция көлемі 392 миллиард теңгені құраса, оның 305 миллиард теңгесі облысқа аударылған.

Сонымен қатар, 2019-2021 жылдар аралығында Үкімет резервінен 116,6 млрд теңге беріліп, облыстың әлеуметтік-экономикалық дамуының маңызды басым міндеттерін іске асыруға 318 млрд теңге нысаналы трансферт бөлінді.











Жоғары қарай