Ауа райы
Астана 22 °С
Алматы 21 °С
валюта бағамы
USD 405.69
EUR 455.51
RUB 5.72
CNY 57.42

Түлкібастық полицейлер есепте тұрған жасөспірімдерді саяхатқа алып барды

2019 жылдың 19 қазан 2019 16:04

ТҮЛКІБАС. ҚазАқпарат – Түркістан облысы Түлкібас ауданында полицейлер мінез-құлқы қиындау, есепте тұрған жасөспірімдерді киелі орындарға саяхатқа алып барды. Бұл саяхат Түркістан облысы аумағында кәмелетке толмағандар арасындағы қылмыстар мен құқық бұзушылықтардың алдын алу мақсатында ұйымдастырылған «Жасөспірім» жедел-профилактикалық іс-шарасы аясында өткізілді, деп хабарлайды ҚазАқпарат тілшісі.

Түлкібас аудандық полиция қызметкерлері алдымен Жанкент, Б.Момышұлы, Тұрар, А.Асқаров, Лермонтов жалпы орта мектептерінің оқушылары арасында «девиантты» мінез-құлықты балалармен түсіндіру жұмыстарын жүргізді. Кейіннен бұл балалар Түлкібас ауданындағы киелі орындарға саяхаттап қайтты. Атап айтқанда, Түркібасы, Ақтас, Тамшы бастау әулиелердің басына барып, зиярат жасады.







«Балаларды саяхатқа апарудағы басты мақсат – жастар арасында патриоттық сезімді ояту, туған жерлерінің қорғаны болуға шақыру. Сондай-ақ, болашақта тәрбиелі-тәртіпті азаматтар болуғатүсіндірме жұмыстары арқылы ықпал ету»,- дейді аудандық полиция бөлімінің инспекторлары.

Өз кезегінде саяхатқа шыққан оқушылар да полицейлерге алғыс айтты.

Айта кетейік, аталған профилактикалық шара облыс аумағында 18-25 қазан аралығында өтуде. Түркістан облысының полицейлері осылайша мінезі қиын балаларды дұрыс жолға түсуге шақырып жатыр.







Автор Айнұр Ақбаева
Басты сөздер: Түркістан облысы,
Жоғары қарай