Ауа райы
Астана -1 °С
Алматы -3 °С
валюта бағамы
USD 421.58
EUR 496.83
RUB 5.53
CNY 62.20

Түлкібас ауданында жаңа көпір салынды, жолдар жөнделуде

2020 жылдың 25 қыркүйек 2020 14:03

ТҮЛКІБАС. ҚазАқпарат – Түркістан облысына қарасты Түлкібас ауданында көп жылдардан бері көпір салу мәселесі шешімін таппай келген еді. Міне енді жаңа көпір ел игілігіне берілді. Сондай-ақ, Түлкібас кентінде 15 көше жөндеуден өтуде, деп хабарлайды ҚазАқпарат тілшісі.

Бүгінгі күнге дейін Қарағашты ауылының тұрғындары аудан орталығына бару үшін өзеннен өтуі тиіс болған. Амалсыздан 3 шақырым жолды айналып өтіп, жаяу қатынап келген еді. Биыл осы өзеннің үстінен көпір құрылысы қолға алынып, тапсырылды. Сондай-ақ, мұнда түнгі жарықтандыру шамдары қойылған. Мүмкіндігі шектеулі жандардың жүріп-тұруына да барлық жағдайлар қарастырылған.

Ал, Түлкібас кентінде «Ауыл-Ел бесігі» бағдарламасы аясында жолдар ретке келтірілуде. Ауылдағы жолдар ағымдағы және күрделі жөндеуден өткізіліп, қараша айында пайдалануға берілмек.





Жалпы, аудан аумағында ұзындығы 67,88 шақырым болатын 54 жолға күрделі және орташа жөндеу жұмыстары жүргізілуде. Бүгінгі таңда аталмыш жолдардың 8-і толық пайдалануға берілген. Қалған жұмыстар биылғы жылдың қыркүйек-қазан айларында аяқталады деп жоспарланып отыр.








Жоғары қарай