Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Тойда тостқа шығып, төбеге оқ атқан азамат айыппұл төлейтін болды

2021 жылдың 8 маусым 2021 22:42

ТАЛДЫҚОРҒАН. ҚазАқпарат - Тойда тостқа шығып, төбеге оқ атқан азамат 15 мың теңгеге жуық айыппұл төлейді. Мұндай шешімді Талғар ауданының соты шығарды, - деп хабарлайды ҚазАқпарат тілшісі.

Талғар аудандық сотының баспасөз қызметі жариялаған ақпаратқа сәйкес, төрт рет аспанға оқ атқан азамат өз іс-әрекетіне қатты өкініп, кінәсін толықтай мойындаған. Ол әкімшілік кодекстің 434-бабының 1-бөлігі бойынша кінәлі деп танылып, 5 айлық есептік көрсеткіш көлемінде айыппұл төлеуге міндеттелді. Яғни, ұсақ бұзақылық жасады деген ер адам мемлекет қазынасына 14 585 теңге төлейді

Естеріңізге сала кетейік, әлеуметтік желіде тойда тілек айтуға шыққан азаматтың бірі кенеттен жоғарыға қарай оқ атып, желі қолданушыларды шошытқан болатын. Артынша ол көпшіліктен бұл әрекеті үшін кешірім сұрады.


Автор Самал Қабышева
Басты сөздер: Алматы облысы, Оқиға,
Жоғары қарай