Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Теннис: Зарина Дияс Индиан-Уэллсте әлемнің бесінші ракеткасына жол берді

2021 жылдың 10 қазан 2021 09:54

НҰР-СҰЛТАН. ҚазАқпарат – Қазақстандық, әлемнің 108-ракеткасы Зарина Дияс Индиан-Уэллс (АҚШ) WTA 1000 турнирінің үшінші айналымына шыға алмады, деп хабарлайды ҚазАқпарат тілшісі.

З.Дияс екінші айналымда әлемнің бесінші, осы жарыстың 3-ракеткасы, 2021 жылғы Ролан Гаррос турнирінің жеңімпазы, чехиялық Барбора Крейчиковамен шеберлік байқасты.

Бірінші партияда чехиялық теннисші 6:4 есебімен басым түсті.

Екіншісінде Зарина есе қайырды – 6:3.

Үшінші, шешуші партияда Б.Крейчикова жеңістік бермеді – 6:1.

Екі сағаттан астам уақытқа созылған тартысты бәсекеде чехиялық спортшы 7 эйс жасап, 14 брейк-пойнттың тең жартысын пайдаланды. Эйс жасамаған З.Дияс 5 брейкке (11 брейк-пойнт) қол жеткізді.

Б.Крейчикова үшінші айналымда дүниежүзілік рейтингте 81-орында тұрған америкалық Аманда Анисимовамен кортқа шығады.

Еске сала кетейік, бұдан бұрын жұптық сында Елена Рыбакинаның Индиан-Уэллс турнирін жеңіспен бастағанын, Юлия Путинцеваның үшінші айналымға шыққанын жазған болатынбыз.



Автор Елжан Ералы
Басты сөздер: Спорт,
Жоғары қарай