Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Теннис: Тимофей Скатов Түркиядағы турнирдің ширек финалына шықты

2021 жылдың 13 мамыр 2021 23:26

НҰР-СҰЛТАН. ҚазАқпарат – Қазақстандық жас теннисші Тимофей Скатов Түркиядағы Анталия ITF турнирінің ширек финалына шықты, деп хабарлайды ҚазАқпарат тілшісі.

Әлемнің 442-ракеткасы, осы жарыстың 6-ракеткасы болып тіркелген 20 жастағы Т.Скатов алғашқы кездесуін дүниежүзілік рейтингте 867-орында тұрған ресейлік Владимир Королевпен өткізді.

Қазақстандық теннисші 6:2, 6:1 есебімен жеңіске жетті.

Т.Скатов екінші айналымда швециялық, 17 жасар Лео Боргпен шеберлік байқасты. Мұнда да ол қарсыласын 6:2, 6:1 есебімен ұтты.

Т.Скатов жартылай финалға шығу үшін әлемнің 381-інші, осы доданың 3-ракеткасы, аустриялық Александр Эрлермен таласады.

Тағы бір қазақстандық Денис Евсеев Босния және Герцоговинада өтіп жатқан осындай ITF турнирінде өнер көрсетуде. Ол бастапқы қарсыласы, италиялық Марко Бортолоттиді 7:6, 6:3 есебімен тізе бүктірді.

Д.Евсеев ширек финалға шығу үшін мажарстандық Петер Файтамен күш сынасады.

Еске сала кетейік, бұдан бұрын Ярослава Шведованың Римде әлемнің бірінші ракеткасына жол бергенін жазған болатынбыз.




Автор Елжан Ералы
Басты сөздер: Спорт, Қоғам,
Жоғары қарай