Ауа райы
Астана -2 °С
Алматы 4 °С
валюта бағамы
USD 421.58
EUR 496.83
RUB 5.53
CNY 62.20

Теннис: Дмитрий Попко Ролан Гаррос турнирінде ұтылып қалды

2020 жылдың 24 қыркүйек 2020 23:56

НҰР-СҰЛТАН. ҚазАқпарат – Қазақстандық Дмитрий Попко Ролан Гарростың негізгі турниріне өте алмады, деп хабарлайды ҚазАқпарат тілшісі.

Дүниежүзілік рейтингте 170-орында тұрған Д.Попко іріктеу сайыстарының финалында әлемнің 155-ракеткасы, эквадорлық Эмилио Гомеспен кездесті.

Қазақстандық теннисші бірінші партияда 4:2 есебімен алға шығып, оны тағы бір брейкпен түйіндеді – 6:2.

Екінші сетте керісінше эквадорлық спортшы ойын тізгінін қолға алды – 4:2. Ол сол басымдылығын сақтап қала алды – 6:4.

Үшінші, шешуші партияда есеп 5:5 болған мезетте Э.Гомес брейк жасап кетті – 6:5. Дегенмен Д.Попко да қалыспай, қайыра брейкке қол жеткізді – 6:6. Тай-брейкте эквадорлық теннисші жеңіске жетті – 7:6 (7:1).

Тартысты бәсеке 2 сағат 31 минутқа созылды.

Осылайша биыл 24-ке толатын Д.Попко іріктеу сайыстарының финалында жеңіліс тауып, «Үлкен дулыға» турнирінен сырт қалды.

Париждегі Ролан Гаррос жарысы (жүлде қоры – 38 млн еуро) 27 қыркүйек – 11 қазан аралығында өтеді.

Еске сала кетейік, бұдан бұрын Д.Попконың Ролан Гаррос турнирі іріктеу сайысының финалына, ал А.Бубликтің Гамбургте ширек финалға өткенін жазған болатынбыз.

Бүгін Е.Рыбакина Страсбург турнирінің жартылай финалына шықты.



Автор Елжан Ералы
Басты сөздер: Спорт, Қоғам,
Жоғары қарай