Ауа райы
Астана 17 °С
Алматы 18 °С
валюта бағамы
USD 412.55
EUR 468.66
RUB 5.79
CNY 58.80

Теннис: Бублик Шанхайда негізгі турнирге жолдама алды

2019 жылдың 6 қазан 2019 16:25

НҰР-СҰЛТАН. ҚазАқпарат – Қазақстанның бірінші, әлемнің 57-ракеткасы Александр Бублик Шанхайда негізгі турнирге жолдама алды, деп хабарлайды ҚазАқпарат тілшісі.

А.Бублик іріктеу сайыстарының финалында дүниежүзілік рейтингте 77-орында тұрған жапониялық Йосихито Нисиокамен кездесті.

Қазақстандық теннисші қарсыласын 6:3, 6:2 есебімен онша қиналмай ұтты.

Бәсеке бір сағатқа созылды.

А.Бублик мұның алдында рейтингте 256-орындағы португалиялық Гонсалу Оливейраны 6:4, 6:4 есебімен тізе бүктірген болатын.

Осылайша негізгі турнирге жолдама алған қазақстандық спортшы Шанхай жарысының алғашқы айналымында әлемнің 20-ракеткасы, канадалық Феликс Оже-Альяссиммен шеберлік байқасады.

Тағы бір қазақстандық, рейтингте 60-сатыдағы Михаил Кукушкиннің қарсыласы – әлемнің 51-ракеткасы, сербиялық Миомир Кецманович.

Әлемнің 1-ракеткасы, сербиялық Новак Джокович бастаған мықты теннисшілер қатысып жатқан Шанхай додасы (жүлде қоры – 8 322 885 АҚШ доллары) 13 қазанда мәреге жетеді.

Айта кетейік, бүгін елордада Нұр-Сұлтан 2 челленджер турнирі мәреге жетті. Онда финалда германиялық Янник Маденді 4:6, 6:4, 6:3 есебімен ұтқан украиналық Илья Марченко жеңімпаз атанды. Жалпы, Қазақстан астанасындағы жарыс И.Марченко үшін сәтті болды. Ол жұптық сында да финляндиялық Харри Хелиоваарамен бірге қарсылас шақ келтірмеді.

Автор Елжан Ералы
Басты сөздер: Спорт,
Жоғары қарай