Ауа райы
Астана 3 °С
Алматы 15 °С
валюта бағамы
USD 421.58
EUR 496.83
RUB 5.53
CNY 62.20

Таразда биіктігі 7,5 метрлік «Домбыра» ескерткіші орнатылды

2020 жылдың 24 қыркүйек 2020 18:22

ТАРАЗ. ҚазАқпарат – Тараз қаласында ұлттық аспапқа арналып ерекше ескерткіш орнатылды, деп хабарлайды ҚазАқпарат тілшісі.

Университет жатақханасының скверінде биіктігі 7,5 метрлік «Домбыра» ескерткіші орнатылды. Жамбыл сәулет бюросының эскизі бойынша жасалған ескерткіш ұлттық аспаптың дәл көшірмесі болып табылады.

Жамбыл облысының әкімі Бердібек Сапарбаев жаңа ескерткіш туралы айта келе, қазақтар үшін домбыраның маңыздылығын айрықша атап өтті. Домбыра халық өмірінде ерекше орын алады. Ол көшпелі қазақтың қолынан түспеген, қуаныш пен қайғысында көңіл сырын шерткен, жан-сырын оның күмбірлі күйімен жеткізсе, әуезін әнге үйлестіру арқылы тебіренген қасиетті аспап. Домбыра күйлері – ЮНЕСКО-ның материалдық емес мұралары тізіміне енген.





«Студенттік жатақхананың алдына домбыраға ескерткіш орнату – тамаша идея. Аспап әрдайым халықтың ұлы рухани мұрасын еске салатын құрал ретінде көз алдымызда тұрады. Мен жастар осы мұраға лайықты болуға тырысады және университет бұл бағытта тәрбие жұмысын жалғастырады деп үміттенемін, - деді Бердібек Сапарбаев университет басшылығының бастамасын жоғары бағалап.





Айта кету керек, ескерткіш демеушілік қаражатқа орнатылған.


Автор Сая Сембай
Басты сөздер: Домбыра, Жамбыл облысы,
Жоғары қарай