Ауа райы
Астана 28 °С
Алматы 29 °С
валюта бағамы
USD 412.55
EUR 468.66
RUB 5.79
CNY 58.80

Талдықорған мен Қапшағайда жылумен жабдықтау қызметтеріне тариф төмендетілді

2020 жылдың 11 мамыр 2020 21:11

ТАЛДЫҚОРҒАН. ҚазАқпарат – «Талдықорған жылу сервисі» МКК-да 1 Гкал үшін тариф 1,34%-ға, «Қапшағайжылу» МКК-да 1 Гкал үшін 3 тариф 33,66%-ға төмендеді, деп хабарлайды ҚазАқпарат Табиғи монополияларды реттеу комитетінің баспасөз қызметіне сілтеме жасап.

Табиғи монополияларды реттеу комитетінің Алматы облысы бойынша департаменті «Талдықорған жылу сервисі» МКК-ның және «Қапшағай жылу» МКК-нің 2019 жылдың қорытындысы бойынша тарифтік сметасының және инвестициялық бағдарламаларының орындалуына талдау жүргізген.

«Нәтижесінде, «Талдықорған жылу сервисі» МКК-ы үшін қайта қаржыландыру мөлшерлемесін ескере отырып, 42 069 913,81 теңге көлемінде негізделмеген пайда мөлшері анықталды.

Осыған орай, департаменттің 2020 жылғы 11 мамырдағы бұйрығымен «Талдықорған жылу сервисі» МКК-ы үшін бір жылға 1 Гкал үшін 6 326,23 теңге мөлшерінде уақытша өтемдік тариф бекітілді, яғни тариф 1,34%-ға төмендетілді, бұл тариф 2020 жылдың 1 шілдесінен бастап күшіне енеді», делінген хабарламада.

«Қапшағай жылу» МКК-ы үшін қайта қаржыландыру мөлшерлемесін ескере отырып, 883 339 912 теңге негізделмеген пайда мөлшері анықталған.

«Осыған байланысты, департаменттің 2020 жылғы 31 наурыздағы бұйрығымен «Қапшағайжылу» МКК-ы үшін үш жылға 1 Гкал үшін 3 161,03 тенге мөлшерінде уақытша өтемдік тариф бекітілді, яғни тариф 33,66%-ға төмендеді, бұл тариф 2020 жылдың 1 мамырынан бастап күшіне енеді», делінген хабарламада.


Жоғары қарай