Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Тағы 20 елдің азаматтарына Әзербайжанға ұшып келуге рұқсат берілді

2021 жылдың 2 тамыз 2021 20:55

БАКУ. ҚазАқпарат – 5 тамыздан бастап 20 елдің азаматтарына, сондай-ақ осы елдерде тұрақты тұратын басқа мемлекеттердің азаматтарына және азаматтығы жоқ адамдарға Әзербайжанға әуе көлігімен сапарлауға (және шығуға) рұқсат етіледі, деп хабарлайды ҚазАқпарат меншікті тілшісі.

Хабарланғандай, бұл өзгерістер Министрлер кабинетінің 2021 жылғы 26 мамырдағы № 151 «ерекше карантиндік режимді ұзарту және кейбір шектеулерді алып тастау жөніндегі шаралар туралы» қаулысына енгізілген түзетуде көзделген.

Өзгерістерге сәйкес, 5 тамыздан бастап Әзербайжанға Германия, Австрия, Бельгия, Чехия, Дания, Ирландия, Испания, Швеция, Швейцария, Канада, Люксембург, Мальта, Нидерланды, Польша, Португалия, Сербия, Сингапур, Словения, Словакия және Грекиядан ұшып келуге рұқсат етіледі.

Еске сала кетейік, бұған дейін Әзербайжан үкіметі Ресей, Түркия, АҚШ, Бахрейн, Біріккен Араб Әмірліктері, Ұлыбритания, Израиль, Венгрия және Катарға қатысты осындай шешім қабылдаған болатын.

Қазақстанға қатысты айтар болсақ, туыстарына баруды жоспарлап отырған немесе Әзербайжанда тұруға ықтиярхаты бар еліміздің азаматтарына Әзербайжан Республикасы Министрлер кабинеті жанындағы жедел штабтың арнайы шешімі бойынша, жасалғанына 72 сағаттан аспаған ПТР-тестінің теріс нәтижесі жеткілікті.


Жоғары қарай