Ауа райы
Астана 28 °С
Алматы 33 °С
валюта бағамы
USD 412.55
EUR 468.66
RUB 5.79
CNY 58.80

Сыбайлас жемқорлыққа қарсы қызмет 105 млрд теңгенің ұрлануына жол бермеді

2020 жылдың 3 шілде 2020 16:49

НҰР-СҰЛТАН. ҚазАқпарат - ҚР Сыбайлас жемқорлыққа қарсы іс-қимыл агенттігі 105 млрд теңге бюджет қаражатының ұрлануына жол бермеді. Бұл туралы аталған ведомствоның Стратегия және жедел басқару департаментінің басшысы Нұрлан Жақсымбетов айтты, деп хабарлайды ҚазАқпарат тілшісі.

Нұрлан Жақсымбетов бюджет қаражатын ұрлауды дер кезінде ескерту - оны қайтаруға көп күш жұмсаудан әлдеқайда тиімдірек екендігін атап өтті.

«Жалпы, Сыбайлас жемқорлыққа қарсы қызметтің 2018 жылдан бастап қазіргі уақытқа дейін жүргізген қылмыстық-құқықтық және алдын алудың кешенді жұмыстары 105 млрд теңгені жымқыру мен тиімсіз пайдаланудың алдын алуға мүмкіндік берді. Қарқынды жұмыс жалғасады. Бюджет қаражатының мақсатты және тиімді жұмсалуын бақылау, сондай-ақ жымқырудың уақтылы жолын кесу мен залалды жедел өтеу Сыбайлас жемқорлыққа қарсы қызметтің басым бағыттары болып қала береді», - деп атап өтті департамент басшысы.


Жоғары қарай