Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Сұйытылған газ бағасына қатысты түсінік бере алмаймын – Энергетика министрі

2021 жылдың 13 қазан 2021 21:27

НҰР-СҰЛТАН. ҚазАқпарат – ҚР Энергетика министрі Мағзұм Мырзағалиев елімізде сұйытылған газ бағасына қатысты түсінік бере алмайтындығын айтты, деп хабарлайды ҚазАқпарат тілішсі.

«Шынымды айтсам, бағаға қатысты түсінік бере алмаймын. Өйткені, сүйытылған газ бағасы реттелмейді. Оны нарық реттеп отырады. Сұраныс болса, ұсыныс та болады. Шынымен де, тапшылық проблемасы орын алды. Бұл жайт жазда Теңізшевройл компаниясының күрделі жөндеуге көшуімен байланысты болды. Қазір жағдай түзеліп келеді. Яғни, газ өңірлерге жедел жөнелтіліп жатыр», - деді министр «Париж келісімінің мақсаттарына қол жеткізу жолдары және Қазақстанның көміртегі бейтараптылығы» халықаралық конференциясынан кейін БАҚ өкілдерінің сауалына орай.

Мағзұм Мырзағалиевтің атап өтуінше, мұнай өнімдеріне, оның ішінде газға баға мұнай бағасының негізінде арақатынас орнату арқылы реттелуі керек.

«Бүгінде мұнай бағасы өсіп келе жатыр. Соңғы бірнеше айдың ішінде баға 84 долларға дейін жетіп отыр. Соған орай мұндай трендтің орын алуы мүмкін», - деді Мағзұм Мырзағалиев.


Автор Марлан Жиембай
Басты сөздер: Энергетика, Мұнай,
Жоғары қарай