Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

СҚО-да фармацевтикалық кәсіпорын салынбақ

2021 жылдың 6 мамыр 2021 09:52

ПЕТРОПАВЛ. ҚазАқпарат – Солтүстік Қазақстан облысында ресейлік компания дәрі-дәрмек шығаратын фармацевтикалық зауыт салатын болды, деп хабарлайды ҚазАқпарат тілшісі.

СҚО әкімі Құмар Ақсақаловтың айтуынша, «Велфарм» компаниясы фармацевтикалық кәсіпорынды Петропавлда салмақ. Ресейлік инвесторлармен жарты жыл келіссөздер жүргізілді. Оң-солын саралай келе мәскеулік компания дәрі-дәрмек шығаратын фармацевтикалық зауытты тұрғызатын болды.

«Қазір фармацевтикалық жобаны «Qyzyljar» арнайы экономикалық аймағына енгізу бойынша жұмыс жүргізіліп жатыр. Мемлекет барлық инфрақұрылымды тартады. Инвесторлар жобаға 15 млрд теңге құюға дайын. 200 жаңа тұрақты жұмыс орны құрылады. Осы жобаның арқасында экономика жаңа серпін алады, ал аймақ жергілікті дәрі-дәрмекпен қамтамасыз етіледі», - деп жазды өңір басшысы Құмар Ақсақалов әлеуметтік желідегі парақшасында.



Жоғары қарай