Ауа райы
Астана 16 °С
Алматы 13 °С
валюта бағамы
USD 412.55
EUR 468.66
RUB 5.79
CNY 58.80

СҚО-да 3 жасар сәби төртінші қабаттың терезесінен құлап кетті

2020 жылдың 14 тамыз 2020 14:30

ПЕТРОПАВЛ. ҚазАқпарат – Солтүстік Қазақстан облысында 3 жасар сәби төртінші қабаттың терезесінен құлап, мерт болды, деп хабарлайды ҚазАқпарат тілшісі.

Облыстық Төтенше жағдайлар департаменті баспасөз қызметінің мәліметінше, оқыс оқиға 13 тамыз күні Айыртау ауданының Саумалкөл елдімекенінде болған. 2017 жылы туған сәби бес қабатты тұрғын үйдің төртінші қабатынан құлап кеткен.

ТЖД бастығының орынбасары Игорь Жуковтың айтуынша, баланың анасы көрші бөлмеде болған.

«Анасы баласына ноутбук бермек болған. Алайда оның қуаттағышын қасынан таппаған. Сәби көрші бөлмеден терезеде тұрған қуаттағышты әкелуге кеткен. Алып жатып, масаға кіргізбейтін торға (москит) сүйенген бала құлап кеткен», - дейді Игорь Жуков.

Оқиға орнына жеткен жедел жәрдем қызметі баланың көз жұмғанын анықтады.

«Статистикаға сүйенсек, бір мен бес жас аралығындағы балалар көпқабатты үйдің терезесінен жиі құлайды екен. Осы оқиғаға ата-аналардың назарын аударғымыз келеді. Баланы бақылаусыз жалғыз қалдырмаңыз. Москит тор құратын болсаңыз, терезеге қорғаныш орнату керек. Балалар көп жағдайда торға сүйеніп құлайды», - дейді Игорь Жуков.

Еске сала кетсек, былтыр СҚО аумағында 4 бала көпқабатты үйдің терезесінен құлап кеткен.


Жоғары қарай