Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Сібірдегі орман өртінің түтіні Қазақстанға жетті

2021 жылдың 11 тамыз 2021 18:09

НҰР-СҰЛТАН. ҚазАқпарат – Сібірдегі орман өртінің түтіні Қазақстанның солтүстік-шығыс өңірлеріне жетті. Мұндай мәліметті Қазгидромет таратты, деп хабарлайды ҚазАқпарат тілшісі.

«Өткен бірнеше тәулікте республиканың күкіртті өңірлерінде көлемді биіктік циклонның әсерінен бұлтты ауа-райы сақталды. Сонымен қатар, ауа ағындары Сібірдің орман өрттерінен түтін бүркемесін әкелді. Атмосфераның беткі қабатындағы ылғалдың жоғары мөлшері ластаушы заттардың концентрациясын (жану өнімдері, пайдаланылған газдар және т.б.) жинауға қолайлы болды. 2021 жылдың 10-11 тамызында Нұр-Сұлтан қаласының аумағында атмосфералық ауада шекті рұқсат етілген нормадан асып кету азот диоксиді бойынша 1,7 ШРК-ға дейін тіркелді», - делінген аталмыш кәсіпорын ақпаратында.

Таратылған мәліметке қарағанда, алдағы күндері синоптикалық процестердің қайта құрылуы күтіледі. Ауқымды биік циклон Қазақстанның солтүстігіндегі ауа-райы жағдайларының қалыптасуын тоқтатады. Бұл өз кезегінде түтін бүркемесінің сейілуіне, оның одан әрі елдің шегінен тыс жерлерге ауысуына және ҚР аумағына жаңа, салқын ауа массасының келуіне себепші болады.

«Болжам бойынша 12 тамызда түнде жаңбыр, найзағай, екпінді жел күтіледі. Ауа температурасы түнде 8-10 градусқа, күндіз 16-18 градусқа дейін төмендеуі болжануда», - деп атап өтеді Қазгидрометтен.


Жоғары қарай