Ауа райы
Астана 22 °С
Алматы 22 °С
валюта бағамы
USD 412.55
EUR 468.66
RUB 5.79
CNY 58.80

Шымкентте төтенше жағдай режимін бұзған 13 адам қамауға алынды

2020 жылдың 30 наурыз 2020 23:38

ШЫМКЕНТ. ҚазАқпарат – Шымкентте 16-27 наурыз аралығында төтенше жағдайға байланысты енгізілген шектеулерді бұзған 22 адамның ісі әкімшілік сотта қаралды, деп хабарлайды ҚазАқпарат тілшісі.

Қалалық соттың баспасөз қызметінің мәліметінше, 13 адам қамауға алынып, 3 тұрғынды сотқа күштеп әкелу туралы ұйғарым шығарылды. Тағы 5 адамға 10 айлық есептік көрсеткіш мөлшерінде айыппұл салынған.

«Ал, әрекетінде әкімшілік құқық бұзушылықтың болмауына байланысты 1 адам жауапкершіліктен босатылды. Алдағы уақытта осындай әкімшілік құқық бұзушылықты болдырмау мақсатында, жергілікті тұрғындар мен кәсіпкерлерді төтенше жағдай режимін сақтау және оны орындау талап етіледі», - делінген хабарламада.


Жоғары қарай