Ауа райы
Астана -7 °С
Алматы -2 °С
валюта бағамы
USD 421.58
EUR 496.83
RUB 5.53
CNY 62.20

Шымкентте 100 жастағы әжей пневмониядан жазылып шықты

2020 жылдың 17 қыркүйек 2020 12:15

ШЫМКЕНТ. ҚазАқпарат - Шымкентте 100 жастағы әжей пневмониядан жазылып шықты. Екі ғасырдың куәсі болған қарт кісіні медицина мамандары 100 жасқа толған күнінде ауруханадан шығарып салды, деп хабарлайды ҚазАқпарат тілшісі.

Қызтай Дүйсебекова осылайша жүзге толған туған күнін жұқпалы аурулар ауруханасында дәрігерлермен бірге қарсы алды.

Қария 7 қыркүйек күні Асар шағынауданындағы ауруханаға ауыр халде жедел жәрдем көлігімен жеткізілген болатын. Дәрігерлер науқасқа өкпенің компьютерлік томографиясын жасап, өкпе тінінің 55% зақымдалғанын анықтаған.

Бұған қоса қарт кісінің асқазанындағы жарасы асқынған. Мамандар әжейді бөлімшеге жатқызып, вирусқа қарсы терапиялық ем жүргізген. Нәтижесінде қарт ана толығымен айығып, үйіне қайтарылды. Зейнеткер дәрігерлерге алғысын білдіріп, ақ батасын берді.





«Түскен кезде жағдайы ауыр болатын. Оған хаттамаға сәйкес жүргіздік. Қазір жағдайы бір қалыпты», - дейді емдеуші дәрігер Ләззат Тіленшина.


Автор Айнұр Ақбаева
Басты сөздер: Қоғам, Шымкент, Медицина,
Жоғары қарай