Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Шығыс Қазақстандағы екі ауданда пішен өртенді

2021 жылдың 13 қазан 2021 00:05

ӨСКЕМЕН. ҚазАқпарат – Шығыс Қазақстан облысындағы екі ауданда пішен өртенді, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметіне сүйенсек, Үржар ауданындағы жеке тұрғын үй ауласында пішен өртенген. Тілсіз жау сарайдың ағаш конструкцияларына жайылып кетті.

«Оқиға орнына құтқарушылар шұғыл келіп жетті. Көп ұзамай жалпы ауданы 70 шаршы метрді құраған тілсіз жау толықтай ауыздықталды», - деп хабарлады ведомство өкілдері.

Бұдан бөлек, Тарбағатай ауданында 40 тонна шөп жанған. Өрт сөндірушілер жалынды жылдам өшірді.

Көп жағдайда пішен өртенуінің негізгі себептері – отты абайсыз пайдалану және өрт қауіпсіздігі талаптарын сақтамау.


Жоғары қарай