Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Шығыс Қазақстанда үздік құтқарушылар марапатталды

2021 жылдың 19 қазан 2021 14:23

ӨСКЕМЕН. ҚазАқпарат – Шығыс Қазақстан облысында құтқарушылар күніне орай үздіктерді марапаттау рәсімі өтті, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметіне сүйенсек, 19 қазан – Құтқарушылар күніне арналған кеңес өтті. Шара қызметке жаңадан қабылданушылардың ант қабылдау рәсімінен басталды.

ТЖ министрінің бұйрығымен азаматтық қорғау органдарын дамытуда ерекше көзге түскен және үлес қосқан адамдарға Алғыс хаттар мен ведомстволық медальдар табыс етілді. Батылдығымен көзге түскен өрт сөндірушілер мен құтқарушылар Шығыс Қазақстан облысы әкімінің грамоталарымен марапатталды. Сондай-ақ қызметтік борышын орындау кезінде қаза тапқан офицерлер мен ардагерлерді еске алу стелласына гүл шоқтары қойылды.

«Департамент қызметкерлері осы жылдың басынан бастап 5950 шақыртуға жедел аттанған. Соның нәтижесінде 1015 апаттық-құтқару жұмыстарын жүргізіп, 600 адамды құтқарды. Бұл қызмет – батылдық пен ерлікті талап етеді. Әрбір құтқарушыны, өрт сөндірушіні, сүңгуірді, кинолог пен психологты мерекелерімен шын жүректен құттықтаймын», - деді облыстық ТЖД бастығы Ерлан Нұрпейісов.











Жоғары қарай