Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Шығыс Қазақстанда биыл суға кеткендер саны 9 пайызға артқан

2021 жылдың 15 қыркүйек 2021 01:50

ӨСКЕМЕН. ҚазАқпарат – Шығыс Қазақстан облысында биылғы шомылу маусымында суға батқандар саны өткен жылғы кезеңмен салыстырғанда 9 пайызға артты, деп хабарлайды ҚазАқпарат тілшісі.

Бұл жайлы бүгін онлайн форматта өткен баспасөз мәслихаты барысында шомылу маусымын қорытындылаған облыстық ТЖД Азаматтық қорғаныс басқармасының бастығы Руслан Орынбеков мәлімдеді.

«Өңір аумағында 2254 су қоймасы бар. Шомылу маусымы басталғалы бері 36 адам, оның ішінде 10 бала суға кеткен. Бұл 2020 жылдың сәйкес кезеңімен салыстырғанда 9%-ға артық. Сонымен қатар департамент қызметкерлері батып бара жатқан 23 адамды құтқарып қалды. Оның ішінде 6 бала бар», - деді ол.

Облыс бойынша 79 демалыс базасы және 14 балалар лагері жағалауда орналасқан. Олардың әрқайсысында су түбі тексеріліп, 112 құтқарушы жасақ арнайы дайындықтан өтті. Бұдан бөлек, 48 құтқару бекеті құрылған.

Шығыс Қазақстан облысы әкімінің қаулысымен шомылуға тыйым салынған жалпы саны 64 учаске анықталды.


Жоғары қарай