Ауа райы
Астана -19 °С
Алматы 12 °С
валюта бағамы
USD 387.14
EUR 428.18
RUB 6.06
CNY 55.23

Швед оқушысы Нобель сыйлығына ұсынылды

2019 жылдың 14 наурыз 2019 17:03

АСТАНА. ҚазАқпарат - Шведтік мектеп оқушысы Грета Торнберг ғаламдық жылумен күрес қозғалысына қосқан үлесі үшін Бейбітшілік саласындағы Нобель сыйлығына ұсынылды, деп хабарлайды ҚазАқпарат.

Мұндай ұсынысты бірқатар шведтік және норвегиялық саясаткерлер жасады.

«Мұндай маңызды сыйлыққа ұсынылғанымның өзі мен үшін үлкен құрмет. Бұл керемет және аздап қызық та», -деді 16 жастағы оқушы қыз Aftonbladet басылымына берген сұхбатында.

Өткен жылдың тамыз айында Грета Стокгольмдегі парламент ғимаратының алдына жалғыз өзі ереуілге шыққан болатын. Ол Швеция зиянды қалдықтарды азайту жөніндегі Париж келісімі шарттарын орындамайынша мектепке бармайтындығын мәлімдеген. Артынша ол климат мәселелері бойынша БҰҰ конференциясы мен Давоста өткен форумға шақырту алды.

Басты сөздер: Әлем, Экология,
Жоғары қарай