Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

ШҚО шекарасына қойылған санитарлық бекеттер алынды

2021 жылдың 11 маусым 2021 13:27

ӨСКЕМЕН. ҚазАқпарат – Шығыс Қазақстан облысы шекарасына қойылған санитарлық бекеттер алынды, деп хабарлайды ҚазАқпарат тілшісі.

ШҚО Бас мемлекеттік санитарлық дәрігерінің жаңа қаулысы жарияланды. Онда жазылғандай, өңір шекарасына қойылған санитарлық бекеттердің жұмысы тоқтатылды.

«11 маусымнан бастап Шығыс Қазақстан облысының сыртқы шекараларына кіріп-шығуды бақылау үшін Алматы, Қарағанды облыстары жағынан қойылған санитарлық бекеттер алынды. Ал Қазақстан Республикасының мемлекеттік шекарасы арқылы автоөтпе жолдарына «Ауыл», «Уба», «Бақты» және «Майқапшағай» өткізу пункттерінде кіріп-шығуды бақылайтын 4 санитарлық бекеттің жұмысы ары қарай жалғасады», - делінген құжатта.

Естеріңізге сала кетсек, ШҚО-да карантиндік шектеулер 19 маусымға дейін ұзартылған болатын.


Жоғары қарай