Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

ШҚО-да жол сапасын тексеру барысында 150-ден астам ақау табылды

2022 жылдың 19 мамыр 2022 04:48

ӨСКЕМЕН. ҚазАқпарат – Шығыс Қазақстан облысында жол сапасын тексеру барысында 150-ден астам ақау анықталды, деп хабарлайды ҚазАқпарат тілшісі.

ШҚО полиция департаменті баспасөз қызметінің мәліметіне сүйенсек, тәртіп сақшылары жергілікті атқарушы орган өкілдерімен бірлесіп жол сапасын тексерді.

Соның нәтижесінде, жол қозғалысы қауіпсіздігіне теріс әсер ететін 150-ден астам ақау анықталған.

«Мердігер ұйымдарға кемшіліктерді жою бойынша 200 ұйғарым жіберілді. Жолдарды күтіп-ұстауда кемшіліктер жіберген жол қызметтерінің 11 басшысы әкімшілік жауапкершілікке тартылды. Бұл тізімде қала, ауылдық округ әкімдері, ТҮКШ бөлімдерінің басшылары мен мамандары, квазимемлекеттік сектор өкілдері және мердігерлік ұйымдардың заңды тұлғалары бар», – дейді облыстық ПД бастығының бірінші орынбасары Елдос Закимов.

Осы жылдың басынан бері полицияның ұсыныстары бойынша жергілікті атқарушы органдардың қолдауымен Өскемен, Семей қалаларында, Тарбағатай және Көкпекті аудандарында 6 бағдаршам орнату және жаңғырту жұмыстары басталды.

500 шақырымнан астам көшелер мен жолдарға орташа жөндеу жұмыстары жүргізілуде.

Естеріңізге сала кетсек, осыған дейін ШҚО-да елік атқан браконьер сотталғанын хабарлаған едік.



Жоғары қарай