Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

ШҚО-да қатты жел 3 адам отырған қайықты аударып жіберді

2021 жылдың 11 тамыз 2021 20:36

ӨСКЕМЕН. ҚазАқпарат – Шығыс Қазақстан облысы Көкпекті ауданы Сарыбел ауылындағы Бұқтырма су қоймасында қатты желден 3 адам отырған қайық аударылып кетті, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметіне сүйенсек, 10 тамызда сағат 16.00-де Бұқтырма су қоймасында 3 адам резеңке қайықпен жүрген. Кенет қатты жел соғып кетті. Сол кезде желдің қайықты төңкеріп түсіру мүмкіндігін сезген демалыс орнының әкімшісі дереу учаскелік инспекторға хабарласқан.

Осы кезде үш азамат өз беттерімен жағаға жетуге тырысып жатты. Алайда екпінді желден қайық аударылып түскен.

«Оқиға орнына келген Самар полиция бөлімінің учаскелік инспекторы, лейтенант Тілек Елтаев бірден суға секірді. Қайық аударылған жерге жеткен ол қайықты ұстап алып, оған азаматтарға қайта көтерілуге көмектесті. Осылайша, барлығы аман-есен жағаға жетті», - делінген хабарламада.


Жоғары қарай