Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

ШҚО-да боранда қалған екі шопан құтқарылды

2021 жылдың 23 қараша 2021 21:23

ӨСКЕМЕН. ҚазАқпарат – Шығыс Қазақстан облысы Ұлан ауданында боранда қалған екі шопан құтқарылды, деп хабарлайды ҚазАқпарат тілшісі.

ШҚО Төтенше жағдайлар департаменті баспасөз қызметінің мәліметіне сүйенсек, екі шопан боранға қарамастан Тройницкое ауылының маңындағы қыстаққа атпен барған. Қайтып оралмақ болған олар өздігінен жете алмай, құтқарушыларды шақырды.

«Жедел-құтқару жасағының қызметкерлері сол жерге жол талғамайтын «Трэкол» техникасымен келіп жетті. Құтқарушылар оларды жақын маңдағы ауылға дейін эвакуациялады. Шопандарға медициналық көмек қажет болмады», - делінген ақпаратта.

Айта кетейік, құтқарушылар бұған дейін ауа райының нашарлайтындығы мен бұрқасын болатындығы туралы ескерткен болатын.


Жоғары қарай