Ауа райы
Астана 4 °С
Алматы 11 °С
валюта бағамы
USD 445.84
EUR 490.47
RUB 5.73
CNY 62.87

ШҚО-да биыл 12 мыңнан астам отбасы мемлекеттік жәрдемақы алады

2020 жылдың 7 қаңтар 2020 10:49

ӨСКЕМЕН. ҚазАқпарат - 2020 жылы Шығыс Қазақстан облысында табысынан бөлек, бала санына қарай белгіленген мемлекеттік жәрдемақыдан 12 525 көпбалалы отбасы үмітті болып отыр, деп хабарлайды ҚазАқпарат тілшісі.

Айта кетсек, 2020 жылдан бастап кәмелеттік жасқа толмаған 4 немесе одан да көп баласы немесе 23 жасқа дейінгі күндізгі бөлімде оқитын студенттері бар отбасыларға мемлекеттік жәрдемақы тағайындалды. Жаңа жәрдемақы отбасының табысына емес, тәрбиелеп отырған балаларының санына қарай 4 балаға – 42 496 теңге, 5 балаға – 53 127 теңге, 6 балаға – 63 757 теңге, 7 және одан да көп балаға 74 388 теңгеден төленеді.

«Шығыс Қазақстанда алдын ала жасалған есептеу бойынша 12 525 отбасыға мемлекеттік жәрдемақы тағайындалмақ. Өңірде төрт бала тәрбиелеп отырған 8 мыңнан астам, бес балалы 3 мыңға жуық, алты балалы мыңнан астам отбасы тіркелген. Ал 7 баласы бар жанұя саны 300-ге жетеді», – деп хабарлады ШҚО Жұмыспен қамту және әлеуметтік бағдарламаларды үйлестіру басқармасының баспасөз хатшысы Жанар Асылханова.

Еске сала кетсек, жыл басында ҚР Президенті Әкімшілігі қоғамдық қабылдауының Telegram парақшасы 2020 жылдың 1 қаңтарынан бастап қолданысқа енгізілген әлеуметтік саладағы кейбір өзгерістерді түсіндірген болатын.


Жоғары қарай