Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

ШҚО: 3,5 млн теңге қарызы бар адам Алматы облысынан табылды

2021 жылдың 3 желтоқсан 2021 14:51

ӨСКЕМЕН. ҚазАқпарат – Шығыс Қазақстан облысында 3,5 млн теңге қарызы бар 60 жастағы ер адам Алматы облысы аумағынан табылды, деп хабарлайды ҚазАқпарат тілшісі.

Семей қаласы Полиция басқармасының көші-қон қызметі бөліміне жеке сот орындаушысынан қаулы келіп түсті. Онда жазылғандай, 60 жастағы ер адам бизнес серіктесінен 3 500 000 теңге қарыз алып, қайтармай қойған.

«Борышкерге іздеу жариялағаннан кейін көші-қон қызметінің өкілдері 4 күн ішінде оның Алматы облысында тұрып жатқандығын анықтады. Енді қарызды өндіріп алумен сот орындаушылары айналысуда», - деп хабарлады ШҚО Полиция департаментінің баспасөз қызметі.

Осы ретте, көші-қон қызметі атқару құжатын орындамағандарға ҚР ӘҚБтК-нің 669-бабы бойынша әкімшілік жауапкершілік және ҚР ҚК-нің 139-бабына сәйкес қылмыстық жауапкершілік көзделгенін ескертеді.


Жоғары қарай