Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Шайбалы хоккейден «Жұлдызша» турнирі мәресіне жетті

2021 жылдың 18 қазан 2021 22:14

ӨСКЕМЕН. ҚазАқпарат – Ел Тәуелсіздігінің 30 жылдығына орай Нұр-Сұлтан қаласында шайбалы хоккейден «Жұлдызша» турнирі өтті, деп хабарлайды ҚазАқпарат тілшісі.

ШҚО-да шайбалы хоккейден республикалық «Жұлдызша» турнирінің жүлдегерлері марапатталды.

13-18 қазан аралығында Нұр-Сұлтан қаласында өткен додаға елорданың, Шығыс және Батыс Қазақстан облыстары оқушыларының командалары сынға түскен болатын.

Бірінші орынды Нұр-Сұлтан қаласы алса, шығысқазақстандық жас спортшылар екінші орынды қанжығалады.

«Ел Тәуелсіздігінің 30 жылдығына орай ұйымдастырылған республикалық жарыста спортшыларымыз жақсы ойын көрсетті. Олардың жас ерекшелігі - 9-15 жас аралығында. Қазір Президент тапсырмасына орай облыста бұқаралық спортты дамыту бойынша жұмыстар атқарылып жатыр. Алдағы уақытта да бұл жұмыс жалғасын табады. Осы ретте жастарды спортқа баулып жүрген жаттықтырушыларға алғысымыз шексіз», - деді облыс әкімінің орынбасары Азамат Мұхамедчинов.

«Жұлдызша» турнирінің мақсаты – балалар мен жасөспірімдер спортын дамыту және ұлттық құрама командаларын қалыптастыру үшін талантты ойыншыларды анықтау.





Жоғары қарай