Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Шайбалы хоккейден ӘЧ: Екінші кезеңнен кейін Қазақстан 3:1 есебімен алда тұр

2021 жылдың 29 мамыр 2021 16:36

НҰР-СҰЛТАН. ҚазАқпарат - Шайбалы хоккейден 2021 жылғы әлем чемпионатының элиталық дивизионында бүгін, 29 мамырда Қазақстан және Италия құрамалары арасындағы кездесудің екінші кезеңі аяқталды, деп хабарлайды ҚазАқпарат тілшісі.

Бүгін қос құрама қарқынды ойынымен көзге түсуде. Алғашқы кезеңде қазақстандық хоккейшілердің басымдығы байқалып тұрды. Нәтижесінде 2-минутта Роман Старченко Қазақстан құрамасын алға шығарса, 24-минутта итальяндық Анджело Мичели өзінің мүмкіндігін мүлт жіберген жоқ. Ал 32-минутта қазақстандық Егор Петухов қақпа торын дәл көздесе, Евгений Рымарев 35-минутта мергендік танытты. Есеп 3:1. Қазақстан құрамасы әзірге алда тұр.

Еске салсақ, екі құрама бұған дейін жеті мәрте кездесті. Оның үшеуінде итальяндық хоккейшілер жеңіске жетсе, қалғанында қазақстандық құраманың мерейі үстем болды.


Автор Әділжан Үмбет
Басты сөздер: Спорт,
Жоғары қарай